மரணம் நெருங்குது மனிதா மனிதா
மெல்ல மெல்ல நகர்கின்றது வயது
மூச்சைப் போல் சுவாசிப்போம் மனிதா
பாவக் கரை போக்கிடுவோம்
(மரணம் நெருங்குது மனிதா மனிதா )
போட்டி பொறாமை மறையனும்
சாதி மத பேதம் தொலையனும்
துயரம் நீக்க வாழனும்
உலக மக்கள் நிம்மதி வாழ்க்கை வாழனும்!
(மரணம் நெருங்குது மனிதா மனிதா )
உயிர்கள் இறை படைப்பென்று எண்ணி
மனிதம் மதிக்க வேண்டும்
இரவு பகல் இறைவனைத் தொழுது - நல்
அமல்கள் செய்திட வேண்டும் !
(மரணம் நெருங்குது மனிதா மனிதா )
பெரியோரை மதிக்கணும்
சிறியோரை நேசிக்கணும்
தாயின் காலடி சுவர்க்கம் போல
உறவினரை உயிராய் மதிக்கணும்!
(.மரணம் நெருங்குது மனிதா மனிதா)
அருள் மறை ஓதனும்
நபி வழி நடக்கணும்
பெற்றோரை மதித்து வாழனும்
கெட்ட குணங்களின்றி வாழனும் !
(மரணம் நெருங்குது மனிதா மனிதா)
வாழ்க்கை என்றும் நிரந்தரமில்லை
போகும் வழியோ புரியவில்லை
புரிந்து வாழப் பழகிவிட்டால்
மனிதம் மகிழந்து வாழலாம் !!
(மரணம் நெருங்குது மனிதா மனிதா)
கருத்துகள் இல்லை:
கருத்துரையிடுக